30 мл препараттың құрамында

белсенді зат – гексэтидин 0.0577 г,

қосымша заттар: натрий сахарині, эвкалипт майы, апельсин гүлдері майы, бұрышты жалбыз майы, левоментол, метилсалицилат, глицерин 85%, этанол 96%.

Этодекс, спрей препаратын ересектер мен 8 жастан асқан балаларға қолдануға болады: 

• баспа, фарингит, гингивит, стоматит, глоссит, афтозды жаралар сияқты қабыну және инфекциялық аурулар кезінде ауыз қуысы мен жұтқыншақты дезинфекциялау үшін 
• тонзилэктомияға дейін және одан кейін, тістерді жұлу және ауыз қуысында басқа хирургиялық манипуляциялардан кейін ауыз қуысы мен жұтқыншақты дезинфекциялау 
• ауыз бен жұтқыншақтың жағымсыз иісін жою үшін
  
• стрептококкты тонзиллит кезінде (антибиотиктермен бір мезгілде емдеуде қосымша дәрі ретінде).
  

Дозалау режимі

Егер дәрігер басқа дозалау режимін тағайындамаса, Этодекс әдетте күніне 2-3 рет, таңертең және кешке қолданылғаны дұрыс. Препарат жиі қолданған кезде де қауіпсіз.

Этодекс, спрейді тамақтан кейін қолдану керек, өйткені гексэтидин мұрын-жұтқыншақ шырышты қабығына таралады және соның арқасында тұрақты әсер береді.

Препаратты ауыз қуысына немесе жұтқыншаққа шашыратады. Аэрозольдің көмегімен шырышты қабықтың қабынған жерлерін оңай және тез емдеуге болады, ол үшін келесі әрекеттерді орындау қажет:

- құтыға бүріккіш қондырманы орнатыңыз;

- бүріккіш қондырманың ұшын ауыз қуысының немесе жұтқыншақтың зақымдалған аймағына бағыттаңыз;

- препаратты енгізген кезде құтыны тік күйде ұстау керек;

- бүріккіш қондырманың басын 1-2 секунд басып тұрып, бүріккіштің ұшын алдымен солға, содан кейін оңға бағыттаңыз. Препаратты деммен ішке тартуға немесе жұтуға болмайды, сондықтан аэрозольді бүрку кезінде дем алмай тұра тұру керек.

- Пайдаланғаннан кейін бүріккішті жылы сумен жуып-шаю керек.

Препаратты қолдану ұзақтығын емдеуші дәрігер анықтайды.

Қолдану тәсілі

Тамақтанғаннан кейін немесе тамақтану арасында жергілікті қолдану үшін. Қолдану ұзақтығы 5 күннен аспайды.