Бір таблетканың құрамында:

белсенді зат: азитромицин дигидраты 524,0 мг, азитромицин бойынша 500 мг

қосымша заттар: алдын ала желатинделген крахмал, коповидон, төмен алмастырылған гидроксипропил целлюлоза, сусыз кальций сутегі фосфаты, кросповидон, тальк, магний стеараты, натрий лаурилсульфаты, тазартылған су, этанол 96%

қабық құрамы: гипромеллоза, макрогол 6000, тальк, титан диоксиді, диметикон, тазартылған су

Препаратқа сезімтал микроорганизмдер тудыратын жұқпалы және қабыну аурулары:

• жоғарғы тыныс жолдарының инфекциялары (мұрын қуысының, жұтқыншақтың, бадамша бездердің, ортаңғы құлақтың шырышты қабығының қабынуы)
• төменгі тыныс жолдарының инфекциялары (бронхит және пневмония)
• жеңіл және орташа ауырлықтағы терінің және жұмсақ тіндердің инфекциялары (шаш фолликуласының, тері асты майлы қабатының қабынуы, қызылша)
• жыныстық жолмен берілетін инфекциялар (соның ішінде несеп-жыныс жолдарының хламидиозы, хламидиозды инфекциядан туындаған уретра мен жатыр мойнының асқынбаған қабынуы).

Дозалау режимі
Салмағы 45 кг-нан асатын ересектер, балалар және жасөспірімдер:
500 мг/тәулігіне 3 күн тағайындайды (курстық доза - 1,5 г).
Хламидиозды инфекциядан туындаған уретра мен жатыр мойнының асқынбаған қабынуы үшін бір реттік доза 1 г (500 мг 2 таблетка) тағайындайды.
Препаратқа сезімтал гонорея қоздырғышы үшін ұсынылатын доза 250 мг немесе 500 мг цефтриаксонмен біріктірілген Жасмед препаратының 1000 мг немесе 2000 мг құрайды. Егер сізде басқа антибиотиктерге аллергия болса, емдеуді бастамас бұрын дәрігерге хабарлау керек.

Енгізу әдісі мен жолы
Жасмед препараты, 500 мг таблеткаларды тамақтанудан 1 сағат бұрын немесе 2 сағаттан кейін қабылдау керек.